அமலாபாலின் ரஜினி கனவு!

தற்போது பீல்டுக்கு வரும் நடிகைகளுக்கெல்லாம் விஜய், அஜீத்தான் டார்கெட்டாக உள்ளது. அந்தவகையில், தலைவா மூலம் விஜய்யுடன் டூயட் பாடிவிட்ட அமலாபால், அடுத்து தனுசுடன் நடிப்பவர், அதற்கடுத்தபடியாக அஜீத், சூர்யா என்று ஜோடி போட ஆசைப்படுகிறார். இதற்கிடையே ரஜினி படத்தில் ஒரு சிறிய வேடம் கிடைத்தாலும் நடித்து விட வேண்டும் என்கிற ஆசையும் இப்போது அவருக்குள் புதிதாக முளை விட்டுள்ளதாம்.

அதுகுறித்த முயற்சிகளை அவர் எடுக்க முற்பட்டபோது, ரஜினியுடன் நடிக்க வாய்ப்பு கிடைக்க வேண்டுமென்றால் அதிர்ஷ்டம் வேண்டும். ஏனென்றால், அந்த வாய்ப்பு த்ரிஷா, சிம்ரன் போன்ற நடிகைகளுக்கெல்லாம் கிடைக்கவே இல்லை. பல வருடங்களாக முயற்சித்த அவர்களாலேயே முடியவில்லை என்று கூறினார்களாம்.

அதற்கு, முடியாது என்று நினைத்தால் முடியாதுதான். முடியும் என்று பாசிட்டிவாக நினைத்து பாருங்கள் கண்டிப்பாக முடியும். நான்கூட விஜய்யுடன் இத்தனை சீக்கிரத்தில் நடிக்க முடியும் என்று நினைக்கவில்லை. அதற்காக நான் முயற்சியை கைவிடவில்லை. அப்படி எடுத்த முயற்சிதான் என்னை இப்போது விஜய்யுடன் நடிக்க வைத்துள்ளது. அதனால் முயற்சியை மட்டும் விடக்கூடாது என்று தனது மேனேஜர்களை ரஜினி வட்டாரத்துடன் தொடர்பு வைத்துக்கொள்ள வலியுறுத்தி வருகிறாராம்.

இதற்கிடையே ஏதாவது சினிமா விழாக்களில் ரஜினியை சந்திக்க நேர்ந்தாலும் தனக்குள் இருக்கும் ஆசையை கொட்டி விட வேண்டும் என்றும் நேரம் பார்த்துக்கொண்டிருக்கிறாராம் அமலாபால்