விரைவில் ‘பிரேம பிரயாணம்’
தெலுங்கில், அத்தி பூத்தாற்போல், அவ்வப்போது, வித்தியாசமான காதல் கதைகளை படமாக்குவார்கள். அந்த வரிசையில், இந்த படத்தையும் சேர்த்து கொள்ளலாம். படத்தின் ஹீரோ, மலேசியாவில் பணியாற்றுபவர். விடுமுறையில், ஊருக்கு செல்வதற்காக, மலேசியா விமான நிலையத்தில், நண்பருடன் நிற்கிறார். அப்போது, அங்கு வரும், ஒரு இளம் பெண் மீது, அவர் பார்வை பதிகிறது. அடுத்த நொடியே, அந்த பெண் மீது, காதல் வயப்படுகிறார், ஹீரோ. இருவருமே, ஐதராபாத் விமானத்தில் ஒன்றாக பயணிக்கின்றனர். இந்த பயணத்தின் போது நடக்கும், சுவாரசியமான விஷயங்களை, காதலும், கலாட்டாவுமாக விளக்குகிறது, இந்த படம். மனோஜ் நந்தன் ஹீரோவாகவும், நீத்து அகர்வால் ஹீரோயினாகவும் நடித்துள்ளனர்.
