பிந்துமாதவியின் ஐ.பி.எஸ்., ஆசை
நீர் பறவைக்கு பின், படங்கள் இல்லாமல் தவித்து வந்த விஷ்ணுவுக்கு, இப்போது புதிதாக ஒரு படம் ஒப்பந்தமாகியுள்ளது. இதில், அவருக்கு ஜோடியாக யாரை நடிக்க வைக்கலாம் என்று யோசித்து வந்த படக் குழுவினர், தற்போது, தமிழ் ரசிகர்களால் பெரிதும் விரும்பப்படும், பிந்துமாதவியை புக் செய்துள்ளனர். இவர் ஏற்கனவே, நீர்ப்பறவை படத்தில் விஷ்ணுவுடன் நடிக்க வேண்டியவர். கால்ஷீட் பிரச்னையால், அப்போது, அப்படத்திலிருந்து விலகிய பிந்துமாதவியை மீண்டும், இப்போது விஷ்ணுவுடன் இணைத்து உள்ளனர். தலைவா படத்தில் அமலா பால் நடித்தது போன்று, இப்படத்தில் பிந்துமாதவியும், போலீஸ் கெட்டப்பில் நடித்துள்ளார். அதனால், தேசிங்கு ராஜாவுக்காக பூசினாற்போன்று, சதை போட்ட பிந்து மாதவி, அடுத்து நடிக்கப்போவது போலீஸ் வேடம் என்பதால், உடல் எடையை குறைக்க, தினமும் ஜிம்முக்கு சென்று கொண்டிருக்கிறாராம். இந்த படம் வெளியானதும், ‘வைஜெயந்தி ஐ.பி.எஸ்., விஜயசாந்தி போல், நானும், பெரிதாக பேசப்படுவேன்’ என்கிறார், பிந்து.
